葉思雅：為何孩子一路玩一路內疚？
最近接受傳媒採訪，分享了我曾經接觸過一些同學因為放假期間去玩，感到不安、內疚，沒有充分把握時間去溫書。我體諒和接納他們的感受，他們有這樣的想法，並不是錯。只是承受的學業壓力太大而已。
我想講，重點不是假期前還是後，進行考試，每個同學對幾時考試，可以有不同感受和意見。我反而認為，我們要正視嘅係，點樣嘅讀書環境，先係有利學習，並平衡年輕人的身心發展。唔單止係討論考試時間和頻密度，更加要思考我哋有無提供多元化機會，而唔係只側重學術，去讓年輕人有更多空間和選擇。
事實上，並非所有人都適合「坐定定」背誦及操練試題。有好多有潛能的年輕人，Doing、experience、體育及藝術係發展得好好。我哋要俾唔同機會同選擇年輕人，讓大家可以實踐自己，先可以真正地擁有健康的身心。
多講一句，雖然我哋從事輔導，但也要反思社會對人的影響，而不是單從心理學去了解一個人。我哋一直好努力學心理治療，好容易忽略了某些情況中不一定係人出了問題，而係環境唔safe，令人不能安心做返自己。
（原載於香港中華基督教青年會輔導組專頁，作者為該組主管。題為編者所擬。）
