低速龍：當心！元朗境內有暴龍

火龍果：話說尋日打十號波，有人匿喺屋企，有人出去追風，有人要去酒樓返工，仲有人化身恐龍，暴走元朗街頭！呢隻橙皮暴龍仰天怒哮，好似好不滿咁！究竟龍皮之下，係個點嘅人？

水龍頭：「對啊，當他們穿上制服、戴上頭盔，變成一群惡龍，用鐵車的速度在地底追趕獵物，還記得自己都是個人嗎？」

火龍果：尋晚落波後，我去咗海邊吹風。好耐無試過咁涼喇！有種狂風瀟灑之後嘅平靜。點解要出街？因為想睇吓，熟悉嘅街道經歷完風暴，有無走到樣囉。

水龍頭：「原來已經六年前？七月二十一號，我那時在英國。不敢相信香港走了樣。隔著屏幕聽那些村民走入沒有警察的車站，持棍亂毆抱頭亂竄的乘客，就像安坐家中，無助地觀看暴烈的颱風將樹吹到支離破碎。我咆哮，卻被風雨聲蓋過。」

火龍果：掛八號波嗰晚，我搭地鐵返屋企，途經荔枝角、太子，返到屋企好安落。但入𨋢時諗，看通宵更嘅阿姨，點樣返屋企？出面橫風橫雨喎。

水龍頭：「無家可歸，遠渡重洋。無路可行，徘徊窄巷。

我城孤涼，民心荒茫。迷魂失神，怒目空瞪。」

火龍果：今朝起身，涼浸浸，又係返工嘅日子。咦，係21號喎。