網上咁多haters，點部署？

藝人姜濤昨日（24日）在西區副食品批發市場墮海，惹來大量網民熱議，有人藉此嘲諷姜濤，留下刻薄的留言幸災樂禍。Haters（酸民）文化在網絡世界愈見普遍，無論是公眾人物還是普通人，也有機會受到網上惡言攻擊。有牧者向本台分享自己面對酸民的經歷，也有社工分析網絡欺凌者的動機，勸籲大眾留言前應先理解對方。

▍  Haters always hate 酸民並不在意事件的真相

傘城網上教會牧者牧羊犬過去亦曾在網絡上受到酸民攻擊，「一開始都好想反駁，但發現其實無意思。Haters always hate.」面對惡意言論，起初他會仔細了解對方的言論，希望能精準地回應，更正對方的觀點，化解誤會。但他發現其實根本不能與酸民進行討論，「酸民嘅出發點唔係想討論，佢哋可能對你真係有意見，但更加多人係想宣洩自己對現況嘅不滿，投射喺當事人身上。」

他認為在網上留言的網民未必在意事件的真實性和真相是如何，酸民往往帶著不同的動機在網上留言，有人可能想「刷存在感」，有人只想表達不滿。當事人再回應亦只會留機會給酸民大做文章，「喺討論中留言嘅人並唔關心當事人，真正關心嘅人反而會透過其他渠道關心佢。」

「網上不平等的攻擊愈來愈普遍，以前啲人仲會話fact check，依家都唔再講啦。」牧羊犬認為，酸民不知就裡地評論事件，對當事人的傷害特別大。若不幸遭受網絡惡言攻擊，他建議當事人減少在網上曝光，離開網絡世界，安靜沉澱一下。「最重要嘅係呢件事點樣展現你嘅品格，而信仰又係點樣幫你勝過呢個困難。」

「面對無力感好重嘅年代，大家都要諗吓香港人需要點嘅氛圍？我哋成日講嘅人情味喺邊？我哋係咪就繼續做酸民？我覺得有冇信仰嘅人都值得思考吓。」牧羊犬鼓勵網民多表達正面信息。

▍  社工：留言前先互相理解

「網絡欺凌只係欺凌嘅一種，其實欺凌一直都存在，只係網絡令人容易咗欺凌。」香港基督教服務處網開新一面中心主任Joe多年來亦接觸過受網絡欺凌惡言攻擊的青少年。他分享曾經有青少年被同學拍下醜照，並放到網上，被同學留言嘲笑。

Joe分析欺凌者有不同動機，但就他的經驗，大部分都是想「講笑」，「純粹一刻嘅快樂，但事後諗下先明白對方嘅感受。」他認為社會氣氛亦會影響網絡文化，若然大眾對網絡欺凌意識提高，或許會容易營造友善的環境。他建議大眾在留言前應先互相理解，被欺凌者亦可想想對方的動機，以接受和消化負面評論。

文：Betsy