紋身係咪罪？基督徒可唔可以紋身？

「紋身係咪唔係咁好？」可能係唔少基督徒嘅疑問，你又有冇曾經諗過紋身？傳統普遍認為紋身同黑社會、叛逆有關，而基督徒嘅「乖乖印象」同紋身格格不入，唔知教會接唔接受，亦驚引嚟教會老一輩反感。所以做咗基督徒仲可唔可以紋身？中國神學研究院神學科教授雷競業博士喺宣道傳意台的《信仰有問題》節目中回應：「今時今日大眾對紋身嘅感覺正面咗，好多人選擇紋身係想將記憶同身體結合，係重要同有意義。雖然唔會勸人去紋身，但若果對方認為係重要嘅，（我）又唔覺得佢犯咗啲咩規矩。」

▍紋身是慎重選擇

「自問平時去教會就會遮住嘅，費事嚇親人」、「一路都唔敢問牧師我仲可唔可以去紋，所以就想睇吓大家點睇」。早前一位絲打在連登提問，另一位絲打回應：「你可以照紋然後繼續遮住，遮唔到嘅位置唔好紋」，到底這樣做好嗎？

雷競業在節目中提醒：「紋身本身唔係錯，但若果能夠避免不必要嘅爭辯，就避咗佢」，他提到部份教會較保守，紋身有機會引起教會爭辯，若真有需要紋身，可選擇紋在較隱蔽、能夠遮掩的位置，以免使人絆倒。

談到基督徒可否紋身時，雷競業認為紋身是慎重選擇，紋身前應作詳盡考慮，切忌一時衝動。他提到若紋身是希望在身體上印記某些回憶，紋身確實無可厚非，亦「唔係唔可以做」，但不應單單為跟隨潮流而盲目跟風，而應考慮紋身背後對自己的意義為何。

▍圖案不會有邪惡力量

咁紋咗「古靈精怪」圖案嘅，使唔使整走？雷競業表示，基督徒相信物理上的圖案其實沒特別意思，例如「佛祖」圖案也只是「公仔」，不過「公仔」背後代表著某種記憶與片段，例如以前拜黃大仙的經歷，若這段故事不是上主所喜悅，將它移除是好事。而一些「古靈精怪」圖案如《鬼滅之刃》角色，他指出其實這只是「卡通片」而不會交鬼，若圖案能作正面提醒，其實也無不可。

不過雷競業強調，為著對鄰舍的愛心，若圖案有機會令身邊人不安，或是當紋身成為我們生命的干擾，並與不好的東西聯繫，便適宜考慮移除。他指出圖案不會有邪惡力量，但成為基督徒的人移除紋身，可以是反映心靈上堅決的決定，把以前所迷信的事放下，亦是合宜的。

文：Chaka