基督徒辦耶穌應援活動慶祝復活節

今日（5日）是復活節，趁著這個對基督徒來說的重要節日，四位來自不同教會的年輕基督徒與餐廳合作，自發為耶穌舉辦「已經搞掂」應援企劃。今次企劃最特別的是，他們將耶穌的故事融入港人熟悉場景，當中逾80幅AI繪圖作品也涵蓋了祂生平多個重要時刻，務求呈現出最有香港特色、最「貼地」的耶穌。另外，現場亦有20幅以信仰為主題的畫作。

負責統籌的Joyce表示，期望帶大家「point to Jesus」：「你可以喺茶餐廳搵到耶穌、喺便利店搵到耶穌、喺維多利亞港搵到耶穌、去涼茶舖又會搵到佢……想畀大家知『耶穌其實好近』，無論人生有幾多『搞唔掂』嘅事，都可以交託畀佢。」

▍ 設計出多個版本的耶穌 期望貼近每人心中的形象

雖然聖誕節在同一地點有舉辦過類似應援活動，但其實今次活動是由另一班基督徒策劃。甫進餐廳，最吸睛的莫過於是牆上一幅大型海報，耶穌帶著墨鏡，以搖滾造型登場。本身從事市場行銷的Joyce表示，活動來自與朋友某次聚會時忽發其想，然後找來三位志同道合的好友，從上月初開始籌備，雖然時間緊湊，但絕不馬虎，大家各守不同崗位：「有位畫家係主力負責設計，另一位朋友係負責行政，而我同另一位朋友就負責統籌成件事同幫手做marketing。」

場內有多款應援品免費派發，包括襟章和postcard等，亦有擺放代禱信箱，更有現場詩歌音樂表演。問到創作概念，Joyce就說，成員們認為在不同年齡層的信徒眼中，耶穌的形象會有不一樣，希望貼近每個人心中的形象：「設計方面，我哋諗咗有好多個版本嘅耶穌，Q版卡通會吸引到小朋友，港式同日本動漫風會係針對年輕人，而比較溫柔和傳統嘅形象就會適合年長信徒。」

▍ 回應「偶像化」評論　強調「最緊要係個心點睇」

現場多幅作品中，你可以看到耶穌置身於全港每個角落，有耶穌在茶餐廳為門徒洗腳、在便利店門口、乘帆船在維多利亞港平靜風浪、在酒樓將水變酒、拉撒路復活發生在唐樓和在彩虹邨遊樂設施上，給予小朋友祝福等。令Joyce最有共鳴的一幅，是耶穌坐在後巷陪伴遺棄的人的場景：「其實以馬內利係耶穌喺你隔離，即係香港……就算你覺得畀人遺棄嘅時候其實耶穌都一直喺度，你有乜都可以同佢傾。」

隨著耶穌應援活動的出現，坊間不時會有人質疑將耶穌「偶像化」。Joyce就引用聖經箴言4章23節的經文回應這個看法：「你要保守你心，勝過保守一切， 因為一生的果效是由心發出。」她強調，活動在形式上絕對是帶著敬畏和尊重，而最終極的目標是想將人們帶到耶穌和聖經面前：「最重要係個心點睇件事……畀大家可以真正將『所有嘢』，包括負擔、從Jesus得來的平安、別人對自己嘅comment等，都可以交曬畀Jesus，真係咩都幫你搞掂曬。」

文：Karina

Uluru Cafe x 復活節「已經搞掂」應援企劃
日期：即日起至4月7日（星期二）
時間：早上11時半至晚上11時
地點：灣仔春園街1-11號春暉大廈1樓