成為擁抱青少年軟弱的教會

青少年嘅世界日新月異，有冇感覺到青少年事工愈嚟愈難做，做到好氣餒？有神學院老師直指教會要勇於面對年輕人生命的掙扎，接觸他們軟弱的地方，與他們同行；而不是避而不談，只為他們的成功鼓掌。

「我哋好努力設計好多活動俾我哋嘅年輕人，好想貼近佢哋嘅世界......但又總覺得有啲嘢我哋好似觸碰唔到。」這個可能是正在做青少年事工的人的心聲。中國神學研究院神學科助理教授陳曉琪，上週五（9日）在青少年牧養講座上分享現今教會應有的青少年牧養方向。

▍  與青少年坐在迷霧中

同時是神學院青年事工策略統籌的陳曉琪，從接觸青少年的經驗中發現香港的青少年面對著龐大壓力：學業競賽、身份迷失、對前景的焦慮等。「我哋同年輕人走得愈近，就愈感受到佢哋嘅內心深處，有一種好似傳道書一樣嘅虛無。」

陳曉琪指青少年在成長階段，內心會經歷掙扎、不安、焦慮。她認為教會不需急於舉辦更多活動去填補他們內心的虛無，而是要有勇氣與他們一起「凝視虛無」，承認和面對生命中的掙扎，聆聽他們的故事。

▍  只為勝利者鼓掌的事工？

「榮耀神學」是傾向成功、健康、力量的神學觀，著重在成果中尋找上帝，證明神的同在和祝福。陳曉琪擔心教會文化不知不覺以「榮耀神學」為主導，「喺呢種神學底下，一切軟弱同生命嘅限制都被視為無信心、唔屬靈、得唔到神喜悅。」

相反，馬丁路德的「十架神學」讓人知道，上帝並不在榮耀和能力之中，而是在受苦和死亡的十字架中。「貼地、好玩、有型，都同佢哋嘅掙扎無關係。」陳曉琪提醒，教會應了解青少年真正的需要，「我哋係咪真係接觸緊一班被世界遺棄嘅青少年？」

▍  與青少年同在的教會

比起精彩豐富的節目，陳曉琪認為青少年更需要成年人真誠的陪伴。「其實我哋唔需要俾快捷嘅回應，或者廉價嘅安慰，可能佢哋只係需要簡單嘅回應。」她認為青少年事工應著重建立真實的關係，成為擁抱青少年，願意與他們同行同在的教會。

文：Betsy