天秤遺屬徐爸爸考DSE 盼推動職安減少事故

2022年9月7日，秀茂坪安達臣道房協地盤一個重65噸的天秤倒塌，釀3死6傷，其中一名死者是當時25歲的外判工程師徐學培。事隔逾兩年半，今年63歲的徐爸爸在日前接受商台節目訪問，談及前年辭去工作重返夜校讀書，預備來年應考中學文憑試（DSE），他說讀書既是想為兒子尋真相，更是經歷過失去親人的傷痛後，盼望推動職業安全，減少工業事故：「我希望盡量做多啲，減少工業意外，做唔做到都係未知之數，最重要係嘗試，總要有人去做。」

徐爸爸表示，至今仍未收到勞工處或其他部門解釋當年事故是如何發生。他坦言，事發後兩年仍未能釋懷，感到情緒低落，經常出現失眠等情況。他質疑政府監管不力，不解為何重達65噸的天秤可以倒塌：「即係你話公正行都簽批晒點解會冇監管？呢樣嘢我真係想知，由設計到批判再到公正行去監管，點解出到嚟會令到個天秤會冧，呢樣係我最想知嘅嘢。」

為了尋求答案，徐爸爸前年10月辭掉保安工作到夜校讀書，準備來年應考中學文憑試（DSE），期望未來繼續修讀工程或法律課程。他笑言，年紀漸長，開始出現老花、記憶力變差，但他說讀書是想為兒子查明真相，同時幫助與他有相似經歷的遺屬：「其實我做嘅嘢可唔可以減低工業意外係未知之數，唔係一定可以做到某啲嘢，但係經歷咗呢個情況之後，我發覺可以幫到意外的家屬順利渡過嘅話，係一種幾好嘅事嚟。」

勞工處擬於今年下半年開始試用小型無人機協助巡查，或於意外後調查協助執法。工業傷亡權益會總幹事蕭倩文認為這是好事，無人機可從高空監測樓面工作、外牆工程有否違規情況。不過蕭倩文強調，科技只是輔助，最終還要從教育入手，加強安全意識：「唔一定係講工作安全，可以係家居安全、交通安全、運動安全等等，學生將來投身社會後，有足夠的安全意識安排工作、從事設計，才能保護工人減少意外。」

文：Karina