壓力過大無從發洩？ 社企為職青打造避風港減壓

你冇試過想喊，但係又搵唔到地方可以畀自己盡情發洩？有四位年輕創業者留意到香港休憩場所不足，最近於鬧市設休息空間，期望在職青年和一眾打工仔打造避風港減壓，提升精神健康。其中一位創辦人Karen分享試過在街上想喊完再回家，因家中一家六口，沒有自己獨立房間，不希望家人擔憂：「我去咗尖沙咀海旁坐低，旁人行嚟行去用一個好奇怪嘅目光望住我，覺得好似喺香港連一個安心喊嘅地方都冇。」

▍打工仔係世界上最需要休息嘅群體？

休息平台「Resting Place一息間」由四位有社工、心理輔導及初創企業背景的年輕人所創立，分別是Wai in、Michelle、Karen以及Charles。曾任社工的Wai in指，計劃花費超過7個月時間籌備，雖坊間有不少類似計劃，但大多將年齡上限設為24歲，她卻認為工作壓力不會隨時間減退，反而會持續累積：「所以我哋搵到呢個gap，好想可以serve到呢班人。」

Karen則認為在學時受情緒困擾，學校有輔導員，年老時去老人中心亦有支援，但在職青年正正處於一個孤立無援的位置：「真係上有高堂下有妻兒，好難可以展示你好脆弱嗰一面，你會擔心自己真係冧咗落嚟可以點。我覺得正正係呢個年齡層，有嘅support最少，承擔嘅壓力係最多。」

Karen聽過不少打工仔說，在香港難以找到室內休憩場所，而不論是餐廳或咖啡室，大多都設有用餐時間。她認為本港有很多空間未有好好善用，因而與五個場地合作：「當你有一日覺得唔開心，或者好大壓力想搵個地方chill吓、抖吓，你隨時都可以揾到邊度有。」

所有休息空間都提供相同服務，備有香薰機和音樂，心理輔導員及社工亦製作心理健康資源，當中包括靜觀錄音、休息日誌、過來人故事集，以及繪本等，以幫助使用者紓緩焦慮和壓力，並設有「手機躺平處」，期望大家在獨處時能遠離手機，享受到最安靜舒適的環境。

▍期望使用者覺察自己的身心需要

問及場地的收費，Karen指，團隊認為休息是一件有價值的事情，只不過一直被忽略。她續指，場地提供的不只是休息空間，而是一個可以讓人在不受批判下能安心休息的氛圍。此外，還有由專業心理團隊設計的心理健康資源， 如使用者有需要可亦作轉介。

不少人會視教會為休息和庇護之所。然而，Karen表示，曾遇過有使用者指，在教會服事的壓力不比工作小：「正常都會覺得基督徒為主做多啲係好合理，當然都真係好合理嘅，但係如果我哋唔設返一個健康嘅界線畀自己，同埋永遠要滿足上頭嘅目標，會好易burn out。」

身為心理輔導員的Charles則指，接觸到許多使用者都有宗教信仰，他發現不少沉迷宗教的使用者精神健康往往較差：「原來有班人無論喺職場、家庭同信仰上都搵唔到一個休息空間，所以想創造出一個地方，讓佢哋每一個看法、每一個感受都可以被聽見，被接納，唔會受到任何批評。」他說，除空間外，未來期望為有需要的在職青年提供心理輔導：「希望佢哋覺察返自己嘅需要，連結返自己嘅內心，好好照顧返自己身心嘅需要。」

文：Karina