魚排邀自閉青年學養魚 盼能經營小社區彼此照顧

你鍾唔鍾意食海鮮？魚生、壽司、蒸石斑⋯⋯咁你又知唔知，香港仲有幾多人養魚？有無新人願意入行？馬鞍山西沙的海島「三杯酒」對開的「企嶺下海」上，有「本土養殖」0.002公頃的魚排，最近有群自閉青年在上面學劏魚。

負責人林子龍（Alex）表示，並不是養魚特別適合自閉譜系的孩子，他只是提供一個工作機會，如果他們有興趣便來。「佢地係x-men嚟，好專心，又成日講到一啲我無諗過嘅嘢。」

▍   「見到佢地開朗咗，就當贏咗㗎喇」

Alex說，實習的自閉兒大多做事「企理」，注意到工作的細節，從劏魚、入膠袋到痴貼紙，都妥妥當當，有個未劏過魚的10歲孩子，只聽他說一次就能做到。假以時日，他相信他們能夠接手魚排，並且經營屬於自己的小社區，彼此照顧。「雖然條路仲好長，我年紀都唔細，但見到佢地開朗咗咁多，其實就當贏咗㗎喇。」

他記得有個同學仔Henry，性格孤僻，影相時總是木無表情，有時甚至口出惡言。不過在魚排上與幾隻貓相處多了，後來竟然問他怎樣養貓、想自己儲錢養，更主動提出自拍，令Alex很意外。又有個孩子本身好嚴肅，成日皺眉頭，現在多了說話，更會告訴父母「去魚排玩」，向他們展示相片。

本土養殖與自閉兒生命建立發展社合辦「自閉青年水產養殖培訓計劃」，Alex指出，聘請自閉兒的職場不多，如果自閉青年找不到工作，不但父母至少有一個要留家照顧、情緒受壓，當父母過身無法陪同兒女走下去，留下來的大孩子又該如何照顧自己？他不想發生「淒涼事」，所以想盡力幫助自閉青年同社會接軌，保持溝通。

不過，Alex不認為要「特別照顧或遷就」自閉青年。有人喜歡說話、有人比較安靜，如果很久沒跟人說話就不懂溝通，「其實全世界都係咁啦，唔使特別分我哋／佢哋」。

在第一期培訓的最後一日，實習的15歲男生米高說，挖魚鱗的工作雖然悶，但魚排上可以對住貓狗，識到「傾得埋」的朋友，又遇到「我識嘅Alex入面最好嘅一個」，令他對魚、對人都好了。「如果讀唔到書，無工做，咪嚟返呢度做囉。再睇吓點啦。」

文：Jon