港產聖經漫畫打入日本市場

從小看《龍虎門》和日本漫畫長大的張文偉，立志做漫畫家後卻遇上香港漫畫式微，失業一年窮困潦倒，曾經想過放棄。後來他遇上畫聖經漫畫的機會，從零開始學習聖經知識，遠赴以色列搜集資料，去年更成功打入日本市場。回顧自己創作經歷，他發現：「原來神無忘記我！」

▍由失業到畫聖經的漫畫家

張文偉在香港書展基督教坊講座中分享，自小患有專注力失調和過度活躍症，經常在功課上畫畫，在校的成績亦一般。中五時，他看見漫畫公司的招聘廣告，自認自己是「天選之人」，「那時認為自己係『高達』，覺得自己好勁，如果入唔到就係公司嘅損失。」 所以他毅然入行漫畫界，但其後才發現「成間公司咁多勁人，發現自己原來係『渣古』，只係做量產嘅人」。

1989年入行後，在學校認識耶穌的張文偉曾與上帝立志：「神啊！如果你俾我成為漫畫家，我就為袮畫一本聖經漫畫。」十年間，他逐漸由漫畫助理成為真正的漫畫家，後來遇上香港漫畫「斷崖式式微」，以致他失業了一年。在那一年，「​​其實就是打機，打機打到累就落街行吓公園，公園走到攰， 見到一啲中學生就叫他們同我一齊踢波。」

直至2005年，有位來自澳洲的弟兄找人繪畫一本聖經漫畫。那一刻，張文偉想起當年向上帝的立志：「原來神無忘記我！我計吓，足足16年佢先搵我！ 喺我咁潦倒的情況下， 祂願意伸手來扶起我。」在繪畫《漫畫聖經．受難篇》後，他希望繼續「用我嘅方式將聖經寫出嚟。」然而，礙於資金不足，自己的聖經知識又不多，便擱置了繪畫聖經漫畫的事情。

▍日本出版三期《使徒行傳》：所有情節都唔刪減

後來張文偉開始積極參與教會活動，逐漸重拾繪畫聖經漫畫，更放下功利的態度，將畫漫畫看成服侍，得到聖經知識上的裝備，當中一段經文令他放下重擔：「若不是耶和華建造房屋， 建造的人就枉然勞力。」他形容整個過程都是上帝帶領：「你只係幫手，你永遠知神係會包底。」

畫好《使徒行傳》後，張文偉曾找過不同出版商合作，但都杳無音訊。去年10月第一期《使徒行傳》漫畫成功在日本出版，連日本的普通畫室也有銷售，「所有人都係睇日本漫畫大，然後你好似有機會同日本出版社合作，梗係開心啦！」。相對其他聖經漫畫單期作結，他把《使徒行傳》分開了三期，「其他漫畫賣唔賣到，都係一期。但我要畫一本所有情節都唔刪減嘅聖經漫畫，咁樣先係聖經漫畫！」

▍不簽名只畫耶穌：屬於上帝的聖經漫畫 

在香港書展當日，張文偉不是在漫畫上簽名，而是即場在漫畫書中畫了耶穌的圖像，「因為呢個係上帝的漫畫，唔係我嘅漫畫。」

在書展購買《使徒行傳》第一期的Denny一直有回教會，亦希望以漫畫形式了解聖經。「睇文字會冇咁專注，但睇漫畫，有圖畫冇咁易瞓著。 」Alex和秀容也一直留意基督教漫畫，「漫畫會俾人容易啲睇有關基督教的內容。」所以當日他們購買了頭四期《我是王》，「一買就買一套，咁有連貫性睇多啲。」

文：Yani