小六生畢業旅行沖繩單車環島 日行50K為緬甸加沙兒童籌款

暑假嚟到一半，你做咗啲咩呢？同朋友玩得盡興嗎？話說今年復活節假，有個小六男仔王天諾(Horkos)去畢業旅行，同老竇去咗沖繩踩單車環島，仲幫香港救助兒童會(Save the Children)籌咗兩萬蚊，支援緬甸、加沙等地嘅小朋友。

Horkos本身諗住去台灣，但10日假期單車環島太趕，就揀咗沖繩，點知同老竇認真計劃路線，先發現原來全程都有385公里，即係每日要踩50公里。就算平時有游開水、抱開石，Horkos未試過一日踩單車超過10公里，但他仍期待「呢個人生第一次，一定會係珍貴嘅經驗！」

第一日就未如預期，天黑都未到酒店，父親提議先揾地方落腳，但Horkos堅持夜騎；第三日遇上大雨，Horkos多次失平衡反車，終於決定避開易進難出的森林路段，改途去島嶼最北的邊戶岬，完成一半的旅程。及至第七、八天，Horkos體力透支，「踩幾公里就要抖吓」，爸爸架車更試過被偷，要報警求助。

即使路甚艱難，Horkos父子卻受到日本居民的打氣，租車公司甚至派支援車隨行。Horkos說不時會「擔心受傷或無法完成，但諗到環島行可以幫其他兒童募捐，就有好大嘅滿足感」，也感謝父親在路上為他雙腿按摩，以及媽媽及細佬特意越洋支持自己。

文：Jon