揾工愈嚟愈難，仲可以探索自己興趣嗎？

如果你啱啱大學畢業，報咗好多幾份工都無回音，你會彷徨嗎？如果你份工做得唔係太順心，想辭職發掘自己興趣，當你見到市道咁差，會唔會唔敢辭職？

社工系剛畢業的嘉琪說，自己報過30幾份工，得1份有回音；工作了2、3年、剛辭職的社工阿芊也說，現在揾工比剛畢業時困難。任職多年社工的呂家進指出，年輕人揾工的其中一個原因是要「畀家用」，認為如果有全民退休保障，年輕人的經濟負擔就會減輕，可以更隨心去尋找自己興趣所在。

▍  嘉琪：揾唔到工，惟有做吓義工、瑜珈

嘉琪一直都想做老人服務，尤其是臨終關懷、哀傷輔導，因為考DSE時有屋企人離世，如果不是在大學遇到好的老師、朋友，都未必能安頓內心的悲痛。所以她希望，當別人失去所愛時，可以有人陪伴在側。可是，老人服務的機構很少聘請新人。

找不到理想的工作，嘉琪都有去醫院做義工，但義工、護士、社工的角色不同，不會因為做過義工，醫院就聘請自己。現在她一星期會去一次，但紓緩病房的老人家「走得好快，每次探都唔同人」，很難跟公公婆婆建立較深入的關係。

即使如此，嘉琪仍覺得，聽老人講出痛症之苦，可以讓他們舒服一些。有次，有個婆婆氣促，嘉琪就觸摸、安撫她，身體接觸很能幫助老人安靜下來。

至於她自己，揾唔到工而感到壓力時，嘉琪會找同樣失業的親友傾偈、「坐吓海邊又一日」，也會去學瑜珈，「keep住有啲嘢做吓」，別讓自己胡思亂想。

▍  阿芊：辭職休息、充實自己嘅成本高咗

阿芊說，現今世代的年輕人已經「無話一定工接工」，有時會辭職休息、充實自己，尋找喜歡的興趣。但當他們發現，原來再揾工是如此困難，也許會懷疑自己，當初規劃是否出錯了。她自己就剛辭去社工一職，未找到新工作，有些焦慮。「下一份工係咪仲可以咁瀟灑？」

嘉琪說，幸好自己有姐姐、哥哥給父母家用，自己沒有太重的經濟負擔，無太大的「揾工壓力」，可以先嘗試其他興趣。但如果持續一段時間都仲未揾到工，「可能就要做啲無咁鍾意嘅工」。

呂家進說，社會人口老化，明明需要更多做長者服務的工作，奈何政府削減開支，「話可以一個人做1.2個人做嘅嘢，好反智」，但他認為，當社工耗盡能量時，「條數咪喺返度」。他又說，雖然剛畢業的年輕人好像離退休很遠，但全民退休保障可以讓他們的父母有經濟保障，沒有家用的壓力，即使短期內找不到工作，仍然可以放心去探索，發掘志趣所在。

文：Jon