超級颱風前大家點部署？

超級颱風樺加沙迫緊，大家都如臨大敵，噚日問大家見到最勁嘅「超前部署」係咩，收到嘅大部分都同買嘢掃貨有關，有人話見到有阿伯買咗兩車急凍點心，又有人影咗麵包舖同超市被清到七七八八嘅貨架。今朝又有讀者見到，平日好旺嘅女人街無人開檔，日光日白啲排檔都無開，都係罕見嘅畫面。雖然而家暫時仍然好好天，但係個風都應該就快打到，大家買夠嘢食，就盡量留喺安全嘅地方喇。願大家喺風暴中平安。