餐廳都可以係教會？基督教餐廳唔一定hard sell信仰

你對基督教餐廳有甚麼想像？侍應都是基督徒、播著基督教音樂、牆壁寫有聖經金句？

8年前，有教會打算植堂，在觀塘租借場地舉行崇拜，恰巧會友Timothy與兩位教會朋友有意創業。大家一拍即合，合作經營台式餐廳。這些年來，餐廳從觀塘搬到西營盤；從「小伊甸」改名為「Eden伊甸」；從與教會合作，到獨立營運。Eden餐廳營運至今踏入第8年，最終在今年8月初結業，Timothy回顧過去營商經驗，發現了餐廳與教會融合的可能性。

▍ 「餐廳教會」突破一般堂會限制

Timothy分享，起初教會每逢主日都會在餐廳舉行崇拜，「教會喺間餐廳入面，會同平時有咩唔同呢？」他們發現實際上有不少問題需要處理：教會需要擺放十字架嗎？牧師一定要在講台講道？可以在餐廳施行水禮嗎？「有啲弟兄姊妹都會問：『餐廳係咪應該要播詩歌呀？有啲屬靈香氣。』」但經過大家不斷討論，餐廳和教會都各自找到平衡。

曾經有一位媽媽聯絡Eden，希望教會可以為她弱能的兒子洗禮，Timothy和牧師溝通後，決定在餐廳為他施行水禮。「既然一般堂會未必可以幫佢做水禮，會唔會Eden可以成為祝福到佢哋嘅教會呢？」在疫情時期，他們亦曾在餐廳內舉行過兩屆水禮。經營「餐廳教會」的過程不斷刺激他們思考堂會的本質，回歸聖經中去思考教會空間的可能性。

後來教會逐漸發展，不再需要在餐廳進行崇拜，但Eden仍會外借場地舉辦活動。「因為跳出自己原本嘅堂會空間，就會發現原來唔同堂會之間都可以合作......雖然宗派唔同，但大家有共同嘅使命咪一齊做囉。」除了基督教活動，Eden亦舉辦過讀書會、藝術展覽、社區深度遊等活動，希望餐廳能夠具「開放性」，與社區結連。

▍ 基督教餐廳唔一定要硬銷福音

在營運初期，3個店主都未掌握到如何管理員工。「我哋成日將教會服侍嘅心態放喺餐廳度，當大家嚟幫手......」他們逐漸發現只講求愛心，無限量包容未能達標準的員工，反而會造成不公平，有些員工更因經常要收拾「爛攤子」，最終決定離職。「你嘅本份係管理層就要定好規矩」，跌跌踫踫後，Timothy發現原來要先做好本份，才可以作見證，繼而談到信仰。

「我哋唔會咁hard sell（信仰），反而係想俾一啲基督徒嘅價值觀俾佢哋。」雖然Eden是基督教餐廳，但店內員工大部份也不是基督徒。即使身為老闆，Timothy自己也會在做侍應工作，甚至做得比其他更落力。Timothy認為，這種方法不是最有效的傳福音方法，但以基督徒價值做好本份，有時候卻能引起員工對福音的興趣。

「返咗12個鐘頭工，唔好再同我講耶穌啦，（佢哋）真係唔想聽㗎。或者你仲要佢笑多啲，等客人覺得呢度好有愛，對佢哋嚟講係好難聽嘅。」他指，雖然多年來因為在Eden工作而決志信主的人不多，但卻有些員工漸漸對信仰產生興趣。即使後來離職，但他們到現在仍會參與查經小組。

Eden餐廳的故事收錄在王緯彬及李林風的新書《使命藍圖：8個空間 x 故事》中，早前Timothy在新書分享會中指，飲食業員工流動性高，一年間聘請多達40多個員工，能夠接觸不少做兼職的年輕人。他希望透過一起共事，至少能改變員工對基督徒的看法，發現「原來基督徒都唔係咁離地嘅」。

近年有不少基督徒群體亦開始營運餐廳，Timothy指Eden餐廳營運已達8年，他形容「呢個實驗都已經做得差唔多」，決定於今年8月初結業。他期望日後整理8年所得的經驗，日後再作其他嘗試。

文：Betsy