家計會性教育新書 收錄青春期100個提問

「打得飛機多會唔會傷身？將來會唔會性無能？」、「第一次會唔會好痛？」呢啲問題，青春期總會遇到，而要開口問，從來唔容易。家計會上月推出新書《青春101：面不紅有問有答》，收錄中小學生青春期想問卻不敢說出口的100個真實提問。家計會教育主任周卉卉希望此書能提供一個最正面的示範，「畀青少年問佢心中想問嘅問題，畀佢哋知係有人會認真去回應，唔會被取笑同批判。」

▍男女大不同？男仔多關注「下半身」 女仔著重外表、人際關係和性暴力

問題由是家計會從學校性教育講座，以不記名方式收集。周卉卉指出，從收集的問題中，了解到男生普遍較為關注陰莖的發育、自慰、色情資訊等，女生則較關注身材外表、人際關係和青春期轉變等。而有關拍拖戀愛，則是兩性都關注的題目，有同學想知道「經常換男女朋友，有沒有不對？」同時亦有同學問「我暫時不想戀愛，有問題嗎？」

同時，書中亦收錄不少有關性騷擾的問題，包括是「朋友不斷撥弄我的頭髮，這是性騷擾嗎？」、「有人在課堂上對同學毛手毛腳，我應否告發？」周卉卉續指，女生比男生更關注性暴力的問題，「無論喺數據上嚟睇，抑或係女性嘅成長過程中，如果要喺半夜三更返屋企佢哋嘅憂慮比男性大好多，但其實唔代表男性就唔會受到性騷擾。」

▍「學校沒有教的事」：AV演員的工作有趣嗎？

有不少問題是從前較少同學提問，如「男男可否懷孕生BB？」、「為何我在新聞上見過男性生子？」周卉卉指這反映近年網絡流行文化中的BL（Boys' Love）愛情 對青少年的影響，「原來喺佢哋個世界，男人同男人係可以生仔，聽落可能好似係一個小說嘅世界，但我哋都想放埋落去。」

書中有一章節集中討論「色情資訊」這題目，有同學問「AV演員的工作有趣嗎？」、「看了AV後，當下覺得噁心及驚，但同時又有性趣，點解會咁？」周卉卉笑言，這些都未必是傳統課堂上會討論的題目，但又往往是同學有疑惑，感到好奇的，「由學校去講，可能只會話要小心色情資訊，或者會覺得你係咪擾亂課堂啊？而我哋想盡力去回答，呢啲看似胡鬧嘅問題，唔施加任何批判，只係就事論事，希望滿足到佢哋嘅好奇心同知識（的追求）。」

文：Karina