【宏福苑火災】宏仁閣郭先生：明明單位無電又黑，但好似仲有返屋企嘅輕鬆

宏福苑街坊陸續上樓執屋，今早（24日）主要是宏仁閣的街坊。胡小姐近日努力操練身體預備，表示希望日後有機會彈彈家中的鋼琴，一家人在家裡道別。郭先生回家後，回想起小時候在窗邊呼喚爸爸的情景。

▍  胡小姐：希望我哋可以一家人一齊喺間屋道別

胡小姐住在宏福苑達四十年，對於大火後首次上樓執拾感到緊張和激動：「究竟執唔執得切，或者同間屋可唔可以道別，我都完全唔知。」、「我其實好驚，你見到我都唔係太大隻，但因為係自己屋企，所以一定要返去。」

她住宏仁閣中層，事前有特意行樓梯操練身體，亦有準備大背囊、護腕等。本來胡小姐打算借機械外骨骼去減輕負擔，但義能聯合會協日前宣佈不能為居民提供借用服務，令胡小姐感愕然。於是她便只好加強自己意志：「話畀自己聽，係得嘅。」

胡小姐最想取回的是相機和具紀念價值的兒時相簿。她認為「三個鐘好難執到咁多年嘅嘢」，不過得知或有機會可以有第二次上樓，是「心情上的release」。胡小姐期望可以再有機會回家執拾，她哽咽：「（希望）我哋可以一家人一齊喺間屋道別，真係可以唔使執嘢、舒舒服服喺間屋裏面渡過呢個鐘頭。」因為家中鋼琴不能搬走，胡小姐希望可以「彈吓琴」，回顧多年的回憶。

▍  郭先生：明明單位又無電又黑，但好似仲有返屋企嘅輕鬆

郭先生住在宏仁閣七樓，自小便住在宏福苑，直至拍拖後才搬出去。郭生的父親在火災之前已經過身，所以單位是父親故居。今次火災後回去，郭先生有意想不到的發現，例如找到兒子小時候的相片。他也沒想過，回到屋內，靠近窗邊會想起窗外這片風景，對住迴旋處閘口位，就是以前細個，父親揸車入停車場，自己等待他回家時「會叫爸爸」的位置。如今「迴旋處無咗，垃圾站無咗，變咗塊爛地咁，都感觸嘅」。

四月頭，郭生弄傷雙腳，需要借用拐󠄆杖，起初都擔心無法上樓。但他幾位朋友預備頭盔、拐󠄆杖櫈等物資，又陪他上樓，讓他達成願望。行上七層樓梯，他「無停過」，但到達702單位後「好似仲有返屋企嘅輕鬆，但明明又無電、又黑忟忟、四圍都係塵，但因為個擺設同以前都好似」，所以他就將拐󠄆杖放下，靠牆而行。執拾物件時，他看到一個有旋轉木馬的鐘擺設仍在運行時，「有啲feel，但唔知點講，呆咗喺度，朋友問我要唔要，我就話要啦」。最後，他在室內放了一紮膠花，又將燒焦了的門牌拆了下來留念，說了句：「bye bye 啦，702。」

▍  謝先生：講斷捨離嗰個，如果佢間屋畀人燒咗，係咪咁決絕

同住宏仁閣的謝先生說，今次主要任務是執屋，兒子、太太希望找回的有紀念價值之物。在場記者問及「點睇斷捨離」，他語帶微愠回答說：「咁你要問返講『斷捨離』嗰個，如果佢間屋畀人燒咗，係咪咁決絕可以『斷捨離』，同埋道別。」他又指「企喺呢度都可以同佢告別」。

至於安置計劃，謝先生說「唔識答」，因兒子在廣福邨讀書，很難搬到外區，目前他雖然仍住在大埔，但就與太太、兒子分開住，母子住在岳母家，他就在工作地方附近的共享空間過夜。

採訪：Chloe、Jon

（室內相片由受訪者提供）