退休傳道人陪宏新閣居民上樓 逗留時間略嫌緊迫 再思服侍心態

宏福苑大火後，上水浸信會舉辦的愛心行動支援受災居民，退休傳道人駱先生成為他們其中一位義工，幫助居民度尺、派電器等。週二（21日），他陪同一名宏新閣居民上樓執拾。已退休的駱先生表示起初也擔憂自己體力不足，但奈何年輕義工都要返工，「無其他人可以幫忙，只有我可以（幫忙）的話，其實都唔可以諗太多，既然要去就去啦。」

當日駱先生與一名宏新閣男住戶、社工和另外兩名義工一同上樓。該男住戶年紀較大，住在中層單位，所以他們在上樓前做足準備，鍛練身體，計劃「行每五至七層就停一停休息」。事前他們又查看宏新閣內部情況的照片，做好心理準備。但駱先生指實際上單位內部的情況比想像中惡劣，「焚黑晒，（傢俬）面頭嗰層基本上都熔晒，係未燒到『入肉』」。

男住戶上樓前亦有列出執拾物品清單，主要是重要文件和個人物品。駱先生憶述該名男住戶執拾時情緒平穩，但心裡很想把握時間執拾，也不願意停下來休息，「好心急，有種迫切嘅心......臨走都唔捨得走，因為有啲嘢想攞走但攞唔到。」雖然最終執拾過程大致順利，男住戶成功帶走重要的個人物品，但駱先生認為逗留時間略嫌緊迫。他指政府規定的3小時逗留時間只足夠讓住戶帶走所需物品，「如果時間可以鬆動啲就更好......依家（住戶）可以匆匆忙忙執拾完，但就無乜機會（讓住戶）平靜（心情）。」

雖然駱先生是退休傳道人，但他表示參與是次愛心行動時較少提及信仰，或提供情緒支援。他觀察到教會接觸到的災民大部份都沒有情緒支援需要，「喺某啲環境下，佢哋要實際嘅服侍，你同佢講太多信仰嘢，其實對佢作用不大。」服侍災民讓他重新思考服侍的態度，「有時你就係講唔到幾多（福音），但係佢哋有實際嘅生活需要時，你係咪都可以幫助佢哋呢？佢哋可能無咩可以回應，但我哋係咪都願意付出呢？」

文：Betsy