香港漫畫 想像文明墮向覆滅

如果有一日，你發現自己有超能力，會點樣運用？呢個問題，唔係 DSE 口試題目，而係香港漫畫家Ming @ming.comic 新作品《人造神的試煉》的情節，不過場境唔係現代，而係古代。

漫畫入面的「人造神」Haestus，將超凡的能力賜給四個人，只留下一句神諭「應善用之」，Ming指，每人對「善用能力拯救國家」的理解，卻有很大差別。四個角色，代表了宗教、藝術、軍事、商業，衍生的問題，由四人中其中一位的主角逐一經歷，嘗試梳解。「Haestus的名字取自希臘神話的鐵匠神，佢係造乜都得，同 AI 有啲似」。「人造神」這個詞，Ming認為有所暗示，「係咪真係神？定係人造出嚟？」也像AI，智能遠超人類，卻又是人所製造。

▍  命運面前，發現人的無力

《人造神》的主角坴云，是其中一個得到能力的人。Ming說，她想「善用力量，拯救世界」，但當她遇到其他有強大能力的角色，同樣說自己奉神之名行事，就有所動搖，最後甚至發現「自己都係問題嘅一部分」，在人造神面前，「（人）其實係無力」。

《人造神》入面的人，雖然相信自然、科技的成果都從神而來，生活、工作「無分得咁開」，慾望比較專注，但得到神力之後，也有人會像現代人一樣，不再敬神。Ming覺得，這其實是許多文明的神話常見的主題，神創造人後，人開始有慾望，透過自己的發明去挑戰神。

與其說是借古諷今，《人造神》更像寓言。Ming希望讀者睇完會暗忖「係咪隱喻緊啲咩」，例如坴云感到無力抵抗的人造神Haestus，究竟是自然之力，還是人為技術之力？

▍  輕視文明的勞動成果，可會令文明覆滅？

構思這個文明覆滅的故事，Ming心裡思考的是現世。當神力唾手可得，會否反而令文明急速毀滅？他對 AI 的發展抱有疑問，認為許多人因為 AI ，「就將一啲好勁嘅嘢，以為好普通。『AI 㩒個掣就做到，點解你要搞咁耐？』」但震撼的畫面，是由漫長的勞力支撐。

他聽過有畫家的作品被AI取用，追溯賠償不果，對方還認為「我用咗錢買 AI 㗎喎」。除了畫作，Ming擔心，如果連文明積年累月的成果也被視為「無咩特別」，觀眾會否對文化的底蘊不再好奇？而創作的人，會否因為作品被市場貶值，也失去對自己作品價值的信心？

Ming更指，即使察覺這個趨勢，我們卻依然照做。即使 AI 發展下去，會有很多人失業，但全世界依然如此轉。

《人造神的試煉》入選「港漫動力」，將於今屆的動漫電玩節面世，Ming指出，評審曾以為未能拯救世界的主角「未夠強勢」，介乎好與壞之間，但他認為這份曖昧「直情係我想要」，為讀者的感思留下餘地。Ming說，「主角唔一定啱」，讀者不必完全認同主角，只是陪他去經歷，如果認同其他角色，甚至覺得故事無關AI，Ming都覺得不是問題。

文：Jon

（圖片由受訪者提供）