散步都可以係一種玩法？黃宇軒：透過行路尋找快樂

如果放假，你會唔會落街行下，定係鍾意去行山，甚至去旅行？在城市散步，你覺得無聊，定係好有趣？新書《學散步：在城市尋找快樂》的作者黃宇軒（Sampson） @sampson_wong 認為，香港人行路，總習慣要有目的，但如果願意離開這個狀態，可能會看到一個不一樣的城市，甚至不一樣的自己。

身處節奏急速的城市，Sampson認為我們行路就像開了「自動導航模式」，不假思索就能行走，變成生活中不以為然的習慣。但打亂這種習慣動作、嘗試漫無目的地散步，Sampson認為，才能對城市的狀態更敏感，留意到未曾留意的細節。而他自己，這些年來就在這種漫步的狀態中，「開心咗好多」。

▍ 打亂慣性的散步遊戲

《學散步》一書的八條線索，就是打破慣性的一些散步的玩法。Sampson指，譬如我們行路時慣用視覺，那就可以嘗試「不斷（用鼻）聞」，或者靠聲音而行；「平時行得快，就試吓慢啲，行得慢，又試吓快啲」；習慣有目的地，就試試「亂咁行」，只要是「唔畀人趕走的地方，都行」；甚至，如果平時不喜歡擠逼，就嘗試特意在放工時間，走到公共交通工具之上。

這些練習，可以一人做，也可以相約朋友同行。Sampson指，一群朋友走路時，通常習慣傾偈，「唔理周圍環境」。他提議，大家可以講好，散步時不說話，只觀察對方今天特別留意甚麼，「猜想對方最有feel嘅嘢係咩」，散完步再分享。他形容，這些全部都是一些訣竅，「讓行路（從）本身係一件好natural（自然）嘅事，變成你好留意嘅事」，與城市建立更緊密的關係。

▍漫無目的散步，如同靜觀

雖然這些練習都有類似遊戲規則的指示，Sampson認為「指示」的意義只是引人進入能感受自己存在的狀態，不必跟足。改變行走的節奏，留意自己呼吸，「同靜觀好似」，但他明白，「就咁叫人漫無目的好難」，才想出八條線索。

「有時當我地有咗焦點，反而先會打散我地平時嘅注意力。」 Sampson覺得，香港人走路時「一眼關七」周圍望，很整全、宏觀地看周圍的環境。為步行設定一些焦點，例如「望住地下」、「剩係睇某種顏色，或某種形狀」，反而能更專注。然而，轉移焦點的目的，不必是建立另一種知識，譬如隨心繪製一個區域的垃圾桶地圖，可以引導我們放開懷抱，又例如只聆聽聲音，可能就帶領我們的眼睛，「望到平時望唔到的事」。

▍享受「lose control」的純粹快樂

書中另一個散步「指示」，是「迷路」。「今時今日其實好難迷路。」Sampson坦言，現在只要打開手機google maps，就一定會找到路。因此，他提出的「迷路」是指，就算去到一個不太熟悉的地方，發現自己完全掌控不了、沒有對於那個地方的知識，我們亦可以嘗試「放開懷抱，抌低地圖，就咁樣去享受一種無知，或者一種失控、隨機嘅狀態。」

享受隨機，同時也是「重新攞返專注力」。Sampson 指，我們的時代深受電話、AI影響，包括他自己，所以想透過城市散步，尋回感受世界的方法，以至快樂。

Sampson早幾年出版有關城市散步的書，都是為了讓人增進對城市的認識，如何遇到有趣的外在事物，或者看見城市的設計和規劃。但這次，他唯一的希望是大家在一切步行規律外，透過散步單純地找到趣味，以至內在的平靜——「呢種開心，可能係再冇門檻，再簡單啲嘅」。

文：Hailey、Jon

（圖片由受訪者提供）