阿信：牧師報仇 三年未晚？】

「梁牧師(黃秋生飾)的女兒被強姦後自殺了。幾年後，強暴女兒的少年犯阿樂(歐鎮灝飾)刑滿出獄，還加入了教會。梁牧師該為信仰而寬恕，還是為愛狠狠報復？」  

雖然大綱留下問號

但呢個問號就好似戲內搞嘅小懸疑咁

因為戲名早就揭穿晒 

《不赦之罪》

可以有兩個解讀 

第一係問，有咩罪不可赦？

第二係有一種罪是不赦免別人的罪 

電影係圍住呢兩條問題去拍 

完整解讀到戲名就明白

電影成個方向同結局一定係咁

因為佢首先要講有咩罪喺大家眼中最不可赦

然後再問當我地唔赦免犯呢種罪嘅人嗰時

我地又有無罪？ 

坦白講呢個題目的確好值得拍

但電影同《虎毒不》相似

部份劇情太過為咗表達自己想表達嘅嘢而「失控」 

stereotype

電影對牧師嘅描述太過老土

當主要係想問兩個咁大嘅問題嗰時

以一個咁stereotype嘅角色去推個劇情

係非常令人懷疑

到底電影係咪真心想嚴肅討論呢樣嘢

定只係借題發揮？ 

蘇玉華嘅角色對比下就建立得非常好

唔劇透但作為媽媽佢一直連結住個女嘅心情

展現出戲入面所餘無幾嘅愛 

佢同秋生亦做咗好多對比

刻意俾觀眾睇到普通人嘅反應同情緒可以幾自然

而牧師負擔住幾多嘢 

當牧師係負責住關顧教會以至周圍嘅弱勢

幾多人又會關懷下佢？ 

我同樣無辦法投入牧師嘅內心掙扎

無呢份掙扎對電影想敲問嘅問題就失去嗰份切身

最後無論對個問題定牧師嘅抉擇都漠不關心 

但蘇玉華演妻子嘅角色都唔係牧師真正嘅對立面

同牧師真正對立嗰個係罪人阿樂

(一個該為信仰而寬恕，一個需要被原諒) 

由阿樂出現到結幕

係完整咁睇到佢成條成長線

即係一個罪人因為自己經歷過需要得到原諒嘅心

佢更加「心同感受」其他犯罪而等待被原諒嘅人 

電影借佢同牧師妻子兩個角色

講普通人都可以有普通嘅原諒方法

有咗信仰嘅人又真係可以學到寬恕