牧師30年前領養病嬰 多年後女兒捐肝救父

一對年長夫婦與懷孕的女兒，看起來就是一般家庭的全家福，當中卻有著不一樣的故事。時間回到1993年，Charis出生不久，就被Franky和Rebecca兩夫婦領養......

「我由細到大都好曳，後尾認識咗耶穌......我覺得教會畀我咁大機會，我希望能夠幫助其他人。」本身是牧師的Franky助人的方式非同尋常，他在ViuTV節目《不一樣的家人》中分享，起初不知道養育孩子的過程如此艱辛，只因同學們都開始成為父母，某次聚會建議他領養孩子，笑言那時「以為BB好好玩」，便與太太申請領養女嬰，經歷繁複手續後還要到法庭宣誓，後來便將Charis帶了回家。

初見Charis時她才1個月大，Franky笑言他第一個反應是「點解唔係靚女？」Charis 3個月大時生病，他帶女兒去見醫生時收到「第一份禮物」：「我幫佢探熱時，噴到我成身都係大便，仲成地都係，我喺診所好尷尬。」作父母的挑戰那時才剛開始，到Charis 1歲時，有次突然發高燒、口吐白沫、反白眼、停止呼吸，緊急送到醫院後發現她腦部神經線發展不成熟，開始經常出入醫院的日子。

好不容易捱過初生階段，Franky又面臨另一挑戰──要在三歲時告訴女兒她不是自己親生。「阿女，其實你唔係爸爸親生，但爸爸好愛你，所以接你返嚟。」年過七旬的Franky還記得接近30年前說過的話，但Charis卻已經完全忘記這一幕，說自己「有意識以來就知道呢件事」。小學時的Charis擔心過會再失去父母，但在家庭生活中卻從不感到自己是被領養，祖父母等其他長輩都愛護她，將她看作正常的家庭成員。

然而，困難卻沒有離開這個家庭，在Charis 21歲那年，Franky再次肝癌復發，要換肝才有一線生機，可是輪流換肝的人眾多，年紀不輕的他大概「死咗都未等到」。怎料，Charis血型等條件竟然都適合捐肝給他，卻因為非親生需要見醫生作評估，「驚佢畀錢我買肝」。她印象中醫生一再告訴她不一定要捐肝，但對她來說「如果唔係呢件事發生，我都唔係好記得自己係被領養。」

年紀輕輕的Charis答應捐肝時還未會害怕，臨進入手術室前一刻卻哭起來，在旁的Franky看到這幕心痛禱告：「上帝，我出唔到去都好，我個女一定要出到去。」

「佢比我自己生嘅更重要。」現在女兒已經成家立室，Franky回想這三十多年，整個過程都是上帝給他的，「我要做忠心嘅僕人，要將佢好好養大。」Charis的中文名是思瀚，Rebecca師母解釋，改這個名字是希望女兒會思想上帝給她的浩瀚恩典，而女兒也是上帝給他們的禮物。「我從來無諗過係唔係我生，總之佢嚟到我身邊，就係我個女，我就盡我最好嘅，同佢一齊生活。」

節目的尾聲是親子間的深情對話，Charis哽咽說：「好多謝喺30年前你哋決定領養我返嚟。我覺得你哋好偉大，一個唔係親生嘅小朋友，但你哋可以咁樣為個小朋友去付出。」她說這些年來經歷過很多起跌，感受到父母付出很大，而現在有了孩子更明白到，父母的付出不是必然。

「其實爸爸都一把年紀，今日你能夠咁同我講，我無咩遺憾。」Franky繼續說：「你係咪我生唔重要嘅，最重要你係我個女，所以我好有責任照顧你，呢個亦都係我honor。多謝你，唐思瀚。」

文：LikHang