曾看見的不要忘記 仍持守的不要放棄

成日聽人講要揸緊信念，但你嘅信念、信仰，又係點嚟嘅呢？Stepping Stones的Pat牧（aka牧羊犬）在《低聲道》節目《低空中的三分鐘》說，「信」的影響力很大，人會選擇想相信的事，成為自己的信念或信仰，有時信得有根有據，有時就毫無理智可言。

Pat牧最近探訪一個認識多年的老人家，以前「行得走得，好生猛、好自由」，每次探訪，都會煲湯給Pat牧。這位老人很喜歡想當年：如何由製衣白手興家，到轉做漫畫行業，但「而家年紀大、行唔到，喺老人院度住，一係瞓喺床，一係畀姑娘擺喺張櫈，無晒自由」，最近更開始精神錯亂、語無倫次。譬如會跟Pat牧說：「唔好得罪差人啊！夜晚唔好去元朗，好危險好複雜㗎！」當然，老人家精神狀況不穩定，講的話未必有人相信。

最近他又跟一個年輕人傾談，原本他跟家人打算七月去大阪旅行，因為害怕末日預言而取消。今年5月去日本旅行的香港人減少了11%，因為漫畫家龍樹諒在《我所看見的未來》預言南海一帶7月5日會有大地震，更可能波及香港。有人甚至「講到係世界末日級預言」。他認為，關於末日的預言，愈準確愈不可信，因為耶穌說過，那天就像賊入屋打劫，「幾時嚟，佢唔會通知你」，連耶穌自己都不知道，只有天父知道。Pat牧問這個年輕人：「7月5日過咗喇喎，咁你仲驚唔驚呀？」他仍然驚，但原來他不知道漫畫的內容，只是因為別人講就信。

Pat牧認為，雖然很多故事的真相都無法驗證、無法理解，例如上帝為何會任憑作惡的人傷害無辜的人，但「信」會讓你有力量堅持下去。「你想信嘅係乜嘢？係乜嘢鞏固你想信嘅嘢？」他說，7月除了5號，還有許多對香港人重要的日子。「曾經看見嘅，千祈唔好忘記；仍然持守嘅，唔好放棄」。他指，自己的信仰提醒他要擇善固執，「做返個人」。

文：Jon