大角咀「臨時遊樂場」二手木家具製作玩具

你細個多唔多去遊樂場玩？最鍾意玩嘅係咩？大角咀晏架街遊樂場最近有個「臨時遊樂場」，有好多張變成搖搖板嘅枱枱櫈櫈、由薯片袋砌成的露營帳幕，甚至有小朋友揸住電動小車周圍行。這些車仔原來是藝術家跟中學生合作，由木家具改裝而成，掛上「學」牌 ，小朋友揸住在運動場上四圍走。

▍  藝術家：「想玩得開心，就要變返細路先」

「搖搖櫈」、「搖搖枱」由二手木家具造成，每張都藏著某些物料，搖動時發出相應的聲音，像小石、細沙、米粒、紙球等。有份製作的藝術家Momo說，「細個鍾意搖搖椅，感覺就係瞓喺阿嫲個肚皮上咁」，自從嫲嫲過身，搖搖椅就待在角落。

在書桌做功課做到累躺在上面，有時還有搖動的錯覺。他又指「玩，簡簡單單，平平實實，通常得細路先識得咁玩。想玩得開心？咁就要先變返細路先啦。」

主辦的香港藝術中心「轉角」社區空間的負責人Dorothy指，公園遊樂場既然是公共空間，何不嘗試使用的可能性呢？「公園遊樂場無指定話要玩咩，咁我哋可以點用呢啲公共空間呢？」

▍  涼茶舖是大角咀的「社區客廳」

在政府規劃的用地以外，大角咀還有另一處「公共空間」──涼茶舖。「轉角」另一位負責人Martin形容大角咀的涼茶舖不只是做生意的地方，而是街坊溝通、交流、娛樂之地，是「社區客廳」。即使是「轉角」門口對出的鐵樹街，也有個「幾時都咁多人」的休憇空間。Dorothy說，參加活動的人真的是街坊，譬如有人說完「今日有啲凍，上去攞返件褸先」就行出去。

Martin笑說，有些街坊喜歡這𥚃的活動，就告訴其他街坊，「宣傳效果好過我哋自己做」。Dorothy又指，大角咀的舖頭「打開晒門，睇到師傅做緊啲咩」，而街坊一般都很隨意跟路邊的人傾偈、樂意分享，好奇就會走過來望。「慣睇手機嘅年輕人，就未必做到」。

公共空間本應是區內居民閒聊交流的地方，但Martin說大角咀「舊區」內的涼茶舖雖然以前就是「社區客廳」，但現在不論是奧海城、還是區內重建的新樓居民，即使他們去到「舊城」，都未必會到涼茶舖與街坊吹水了。

Dorothy說，雖然大角咀的舊樓正被拆卸，建成的新樓居民又未必與舊居民有交流，他們就嘗試用「易入口」的味道，去聯繫背景不同、居住年齡不一的居民。例如昨天的「味道記憶」，就介紹涼茶雷師傅父子、咖啡舖等；Dorothy說，「雖然咖啡比涼茶貴，講完街坊都未必會去買杯咖啡飲，但至少知多咗人哋嘅故仔」。

文：Jon

（相片摘自「真臨時遊樂場」@popupplayground.hk）