「終於有日可以平反un腳」Un腳大賽參加者：反思生活細節

繼上次扮「升key雀」叫嘅奇怪比賽後，又有新嘅奇怪比賽出現咗！你會唔會無聊返緊工上緊堂嗰陣「un」腳？又會唔會俾隔離位投訴？依家可以光明正大咁「un」喇！「Un」腳比賽吸引咗唔少香港市民參加，場面熱鬧。

有份參賽的教會社區工作主任Jason分享，招募賽當日要排隊比賽，有兩父子、阿叔參與，「有啲un到似腳震咁」。Jason指，我哋有時會忽略生活無聊嘅細節，但原來可以「make it fun」，讓大家有更多反思。總決賽冠軍Howard指，當初決定參加只是「玩玩下」，覺得好得意，到贏咗冠軍後覺得好「unreal」，「成件事好似發緊夢」。

由世界認真組織舉辦的「第一次世界認真Un腳大戰」於上週日（7日）舉行了「Un腳」大賽總決賽，「Un腳」大賽招募賽約700名選「腳」參加，頭64位「un」腳最多下嘅參賽者晉身總決賽。

▍ Jason：終於有日可以平反un腳！包裝下無聊事，可讓大家對信仰有更多反思

Jason當初是在IG reels看到宣傳片，頓時覺得很有趣，便決定與太太一同參加招募賽「鬥一鬥」，他形容：「終於有日可以平反un腳！有正面啲嘅信息可以講」。Jason表示「un」腳原本是小習慣，但華人社會的既定形象是負面的，因此「un」腳只讓人覺得「好衰」。但Jason解釋，「有啲研究都話un腳對膝頭哥好」，比賽將「un」腳這原本負面、無聊的事變為認真討論，「幫大家睇返件事（嘅根本）係乜」。

當記者問到Jason會否怕別人知道他參賽，與職業形象有衝突，Jason回應：「唔怕！仲cap咗條片放上story俾friend睇。我本身做野都貼地，唔係有咩職業、專業形象，所以都ok。」Jason分享，「un」腳比賽讓他反思到，我們偶爾會忽略生活無聊的細節，例如一些信仰觀察。他以謝飯祈禱為例，「做乜要謝飯禱？大家可能up完一句就算，冇諗點解（要謝飯祈禱）」，他忽發其想，「亂吹咋，可以搞個謝飯祈禱最虔誠比賽？」Jason認為，用其他事包裝一下日常無聊事，可讓大家對信仰有更多反思，同神有更多連結。

▍ Howard：唔知自己入咗四強，成件事好似發緊夢咁

總決賽冠軍Howard以招募賽一分鐘「un」腳407下的成績，晉身總決賽。他分享，當初參與招募賽只是「玩玩下」，覺得「好得意」。但當晉身總決賽時，他感到少許緊張，「真係要認真啲去玩」。Howard分享，在十六強比賽完結時，他的慣用腳已抽筋，因此八強第一輪時選擇用另一隻腳參賽，卻輸了，之後改回慣用腳追回成績。

Howard形容⁠贏冠軍後感到「unreal」，剛開始當日比賽時從沒想過會得獎，他甚至形容，在八強時他已「斷片」，「唔知自己入咗四強，成件事好似發緊夢咁」。

文：Chaka